ಪುತ್ತೂರು : ಕರ್ನಾಟಕ ರಾಜ್ಯ ಖೋ-ಖೋ ಸಂಸ್ಥೆ ದಕ್ಷಿಣ ಕನ್ನಡ ಜಿಲ್ಲಾ ಖೋ-ಖೋ ಸಂಸ್ಥೆ ಅಲ್ಟಿಮೇಟ್ಸ್ ಸ್ಪೋರ್ಟ್ಸ್ ಕ್ಲಬ್ ಪುತ್ತೂರು(Puttur) ಮತ್ತು ವಿವೇಕಾನಂದ ಕಾಲೇಜು ಸ್ವಯತ ಇದರ ಜಂಟಿ ಆಶ್ರಯ ದೊಂದಿಗೆ 8 ತಂಡಗಳ ಲೀಗ್ ಕಮ್ ನಾಕ್ಔಟ್ ಮಾದರಿಯ ಖೋ-ಖೋ ಪಂದ್ಯಾಟಗಳು ಮೇ 25ರಂದು ಬೆಳಿಗ್ಗೆ 8ಕ್ಕೆ ನೆಹರೂ ನಗರ ವಿವೇಕಾನಂದ ಕಾಲೇಜು ಕ್ರೀಡಾಂಗಣದಲ್ಲಿ ನಡೆಯಲಿದೆ.
ಸುಮಾರು ಜಿಲ್ಲೆಯ 96 ಕ್ರೀಡಾಪಟುಗಳು ಈ ಒಂದು ಕೂಟದಲ್ಲಿ ಭಾಗವಹಿಸಲಿದ್ದಾರೆ ಹಾಗೂ ಎಂಟು ತಂಡದ ಪ್ರತಿಷ್ಠಿತ ಮಾಲಕರು, 30ಕ್ಕೂ ಹೆಚ್ಚು ರಾಜ್ಯ ಹಾಗೂ ರಾಷ್ಟ್ರ ಮಟ್ಟದ ಅತ್ಯದ್ಭುತ ಆಟಗಾರರು,ಆಳ್ವಾಸಿನ ಅನುಭವಿ ರಾಷ್ಟ್ರೀಯ ಕ್ರೀಡಾಪಟುಗಳು,ರಾಷ್ಟ್ರೀಯ ತರಬೇತುದಾರರು, ರಾಷ್ಟ್ರೀಯ ತೀರ್ಪುಗಾರರು ತೀರ್ಪುಗಾರರ ಮಂಡಳಿಯು ಈ ಪಂದ್ಯಕೂಟದಲ್ಲಿ ಭಾಗವಹಿಸಲಿದ್ದಾರೆ.
ಸಮಾರಂಭ ಸಮಾರೋಪ.
ಸಂಜೆ ಗಂಟೆ 5ಕ್ಕೆ ಸಮಾರಂಭ ಸಮಾರೋಪ ನಡೆಯಲಿದ್ದು ಹತ್ತಾರು ಅತಿಥಿ ಗಣ್ಯರ ಸಮ್ಮುಖದಲ್ಲಿ ಅಂತರಾಷ್ಟ್ರೀಯ ಆಟಗಾರತಿ, ರಾಷ್ಟ್ರಮಟ್ಟದ ಆಟಗಾರರಿಗೆ, ರಾಜ್ಯ ಮಟ್ಟದ ಆಟಗಾರರಿಗೆ, ರಾಷ್ಟ್ರಮಟ್ಟದ ತರಬೇತುಗಾರರಿಗೆ, ಈ ಒಂದು ಪಂದ್ಯಕೂಟದಲ್ಲಿ ಸನ್ಮಾನ ಕಾರ್ಯಕ್ರಮ ನಡೆಯಲಿದೆ ಎಂದು ಆಯೋಜಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
