ಮಂಗಳೂರು: ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲೆಗಳಲ್ಲಿ ದಿನದಿಂದ ದಿನಕ್ಕೆ ಸೈಬರ್ ಅಪರಾಧಗಳು ಹೆಚ್ಚಾಗುತ್ತಿದೆ. ಮಂಗಳೂರು ನಗರ ಪೊಲೀಸ್‌ ಕಮಿಷನರೇಟ್‌ ವ್ಯಾಪ್ತಿಯಲ್ಲಿ ಕೆವೈಸಿ ಅಪ್ಡೇಟ್, ಪಾರ್ಟ್‌ ಟೈ ನೆಪ ಸೇರಿದಂತೆ 4 ಪ್ರಕರಣದಲ್ಲಿ ಒಟ್ಟು 5,89,998 ರೂ. ಬ್ಯಾಂಕ್‌ ಖಾತೆಯಿಂದ ವಂಚನೆ ಮಾಡಿದ ನಡೆದಿದೆ.
ಪ್ರಕರಣ -01
ಮಾ.11ರಂದು ಪಿರ್ಯಾದಿದಾರರ ಮೊಬೈಲ್‌ಗೆ ಅಪರಿಚಿತನ ಮೊಬೈಲ್‌ನಿಂದ ನಿಮ್ಮ ಕೆನರಾ ಬ್ಯಾಂಕ್‌ ಖಾತೆ ಬ್ಲಾಕ್‌ ಆಗಿದ್ದು, ಕೆವೈಸಿ ಅಪ್‌ ಡೇಟ್‌ ಮಾಡಬೇಕೆಂದು ಎಂಬುದಾಗಿ ಸಂದೇಶ ಬಂದಿರುತ್ತದೆ. ನಂತರ ಪಿರ್ಯಾದಿದಾರರು ಅಪರಿಚಿತ ವ್ಯಕ್ತಿ ಕರೆ ಮಾಡಿ ಕೆವೈಸಿ ಅಪ್ಡೇಟ್‌ಗಾಗಿ ಬ್ಯಾಂಕ್‌ ಕಸ್ಟಮರ್‌ ಐಡಿ, ಎಟಿಎಂ ಕಾರ್ಡ್‌ ವಿವರ ಮತ್ತು ಅಕೌಂಟ್‌ ವಿವರ ನೀಡುವಂತೆ ತಿಳಿಸಿದ್ದು ಅದರಂತೆ ಎಲ್ಲವಿವರ ಆ ವ್ಯಕ್ತಿಗೆ ತಿಳಿಸಿದ್ದಾರೆ. ನಂತರ ಆ ವ್ಯಕ್ತಿಯು ಫಿರ್ಯಾದಿದಾರರಿಗೆ ಮೊಬೈಲ್‌ ಗೆ ಸ್ವೀಕೃತವಾದ ಒಟಿಪಿಯನ್ನು ಶೇರ್‌ ಮಾಡುವಂತೆ ತಿಳಿಸಿದ್ದು ಪಿರ್ಯಾದಿದಾರರು ಆ ಒಟಿಪಿಯನ್ನು ಆ ವ್ಯಕ್ತಿಗೆ ನೀಡಿದ್ದರು. ಇದಾದ ಬಳಿಕ ಬ್ಯಾಂಕ್‌ ಖಾತೆಯಿಂದ 99,999ರೂ. ಹಣ ಅನಧಿಧಿಕೃತವಾಗಿ ವರ್ಗಾವಣೆಯಾಗಿರುತ್ತದೆ. ಅಪರಿಚಿತ ವ್ಯಕ್ತಿಯ ತಾನು ಬ್ಯಾಂಕ್‌ ಅಧಿಧಿಕಾರಿ ಎಂದು ನಂಬಿಸಿದ್ದ.
ಪ್ರಕರಣ -2
ಜೂ.12ರಂದು ಸಂಜೆ ವೇಳೆ ಪಿರ್ಯಾದಿದಾರರ ಮೊಬೈಲ್‌ ನಂಬರ್‌ಗೆ ಯಾರೋ ಅಪರಿಚಿತ ವ್ಯಕ್ತಿಯ ಮೊಬೈಲ್‌ಗೆ ಕೆವೈಸಿ ಅಪ್ಡೇಟ್‌ಗೆ ಸಂದೇಶ ಬಂದಿರುತ್ತದೆ. ಅದರಲ್ಲಿ ಕಸ್ಟ್‌ಮರ್‌ ಕೇರ್‌ ಎಂದು ನೀಡಿದು, ಪಿರ್ಯಾದಿದಾರರು ಆ ಕಸ್ಟ್‌ಮರ್‌ ಕೇರ್‌ ಮೊಬೈಲ್‌ ನಂಬರ್‌ಗೆ ಕರೆ ವಿಚಾರಿಸಿದಾಗ ಆ ವ್ಯಕ್ತಿಯು ನಾನು ಕೆನರಾ ಬ್ಯಾಂಕ್‌ ಕೆವೈಸಿ ಅಪ್‌ ಡೇಟ್‌ ಮಾಡುವ ಅಧಿಕಾರಿ ಎಂದು ತಿಳಿಸಿ ನಂತರ ಬ್ಯಾಂಕ್‌ ವಿವರಗಳನ್ನು ತಿಳಿಸಿದ್ದಾರೆ. ನಂತರ ಆ ವ್ಯಕ್ತಿಯು ಫಿರ್ಯಾದಿದಾರರ ಮೊಬೈಲ್‌ ಗೆ ಸ್ವೀಕೃತವಾದ ಒಟಿಪಿಯನ್ನು ಶೇರ್‌ ಮಾಡುವಂತೆ ತಿಳಿಸಿದ್ದು, ಅದರಂಥೆ ಒಟಿಪಿಯನ್ನು ಆ ವ್ಯಕ್ತಿಗೆ ತಿಳಿಸಿರುತ್ತಾರೆ. ಇದಾದ ಬಳಿಕ ಬ್ಯಾಂಕ್‌ ಖಾತೆಯಿಂದ 1,75,000ರೂ. ಅನಧಿಕೃತವಾಗಿ ವರ್ಗಾವಣೆಯಾಗಿರುತ್ತದೆ.
ಪ್ರಕರಣ -3
ಜೂ.9ರಂದು ಅಪರಿಚಿತ ವ್ಯಕ್ತಿಯ ಮೊಬೈಲ್‌ನಿಂದ ದೂರುದಾರರಿಗೆ ಕರೆ ಮಾಡಿ ನಿಮ್ಮ ಬ್ಯಾಂಕ್‌ ಖಾತೆ ಬ್ಲಾಕ್‌ ಆಗಿದ್ದು ಕೆವೈಸಿ ಆಪ್‌ಡೇಟ್‌ ಮಾಡಬೇಕು ಎಂಬ ಸಂದೇಶ ಬಂದಿತ್ತು. ಅದರಲ್ಲಿ ಕಸ್ಟಮರ್‌ ಕೇರ್‌ ಸಂಖ್ಯೆ ನೀಡಲಾಗಿತ್ತು. ದೂರುದಾರರು ಆ ಸಂಖ್ಯೆಗೆ ಕರೆ ಮಾಡಿದಾಗ ಕರೆ ಸ್ವೀಕರಿಸಿದ ವ್ಯಕ್ತಿ ತಾನು ಕೆವೈಸಿ ಅಪ್ಡೇಟ್ ಮಾಡುವ ಅಧಿಕಾರಿ ಎಂದು ತಿಳಿಸಿ ಕೆನರಾ ಬ್ಯಾಂಕ್‌ ವಿವರಗಳನ್ನು ಮತ್ತು ಡೆಬಿಟ್‌ ಕಾರ್ಡ್‌ ಸಂಖ್ಯೆ ನೀಡುವಂತೆ ಹೇಳಿದ. ಅದರಂತೆ ದೂರುದಾರರು ವಿವರ ನೀಡಿದರು. ಬಳಿಕ ಮೊಬೈಲ್‌ಗೆ ಬಂದ ಒಟಿಪಿಯನ್ನು ಕೂಡ ತಿಳಿಸುವಂತೆ ಹೇಳಿದ. ದೂರುದಾರರು ಒಟಿಪಿ ನೀಡಿದ ಕೂಡಲೇ ಅವರ ಬ್ಯಾಂಕ್‌ ಖಾತೆಯಿಂದ 99,999 ರೂ. ವರ್ಗಾವಣೆಗೊಂಡಿದೆ.
ಪ್ರಕರಣ -4
ಮೇ 25ರಂಧು ಅಪರಿಚಿತ ವ್ಯಕ್ತಿ ಆನ್‌ ಲೈನ್‌ನಲ್ಲಿಪಾರ್ಟ್‌ ಟೈಮ್‌ ಉದ್ಯೋಗದ ಬಗ್ಗೆ ಫಿರ್ಯಾದಿದಾರರ ವಾಟ್ಸಪ್‌ ನಂಬರ್‌ಗೆ ಟೆಲಿಗ್ರಾಮ್‌ ಲಿಂಕ್‌ ಕಳುಹಿಸಿದ್ದು, ಫಿರ್ಯಾದುದಾರರು ಅಪರಿಚಿತ ವ್ಯಕ್ತಿಯ ಮಾತು ನಂಬಿ ಸದ್ರಿ ವ್ಯಕ್ತಿಯು ಪಿರ್ಯಾದಿದಾರರಿಗೆ ನೀಡಿದ ಟಾಸ್ಕ್‌ ನಂತೆ ಮೇ 28ರಿಂದ ಜೂ.1ರವರೆಗೆ ಹಂತಹಂತವಾಗಿ ಒಟ್ಟು 2,15,000ರೂ.ಗಳನ್ನು ಕಳುಹಿಸಿರುತ್ತಾರೆ. ಪಿರ್ಯಾದಿದಾರರಿಗೆ ಬಳಿಕ ಮೋಸ ಹೋಗಿರುವುದು ಗೊತ್ತಾಗಿದೆ.
ಈ ಬಗ್ಗೆ ನಗರದ ಸೈಬರ್ ಠಾಣೆಯಲ್ಲಿ ನಾಲ್ಕು ಪ್ರತ್ಯೇಕ ಪ್ರಕರಣಗಳು ದಾಖಲಾಗಿದೆ.
